 | និរន្តរភាព និរន្តរភាពគឺពោរពេញទៅដោយថាមពល។ តថភាពនៃធនធានដែលមិនកកើតឡើងវិញ (រួមទាំងពេលវេលា) មានន័យថាការរិះរកវិធីធ្វើយ៉ាងណាសម្រេចឲ្យបានសមិទ្ធិផលច្រើន ដោយប្រើប្រាស់ធនធានតិច។ បន្ថែមពីលើការប្រើប្រាស់ប្រភពធនធានប្រកបដោយទំនួលខុសត្រូវ ការកែច្នៃឡើងវិញ និងការប្រើប្រាស់ឡើងវិញ នៅក្នុងឆ្នាំ2021 យើងនឹង មើលឃើញពីថាមពលដែលផ្ដោតទៅលើយុទ្ធសាស្ត្រកាត់បន្ថយ៖ ការប្រើប្រាស់ធនធានតិច ការផលិតដែលប្រើធនធានប្រកបដោយប្រសិទ្ធភាព និងការជម្រុះចោលនូវម៉ាកយីហោ និងផលិតផលដែលគ្មានតម្រូវការ។ ការធ្វើឲ្យមានប្រសិទ្ធភាពឡើងវិញនេះ នឹងបង្កើតប្រសិទ្ធភាពពីក្រុមហ៊ុនមួយចំនួន ហើយផ្ដល់ឱកាសដល់ក្រុមហ៊ុនផ្សេងទៀតដែលមានភាពច្នៃប្រឌិត និងការបង្កើតថ្មី។ ការឌីហ្សាញដែលជំរុញដោយធម្មជាតិ ការវេចខ្ចប់ដែលមានមេត្រីបរិស្ថាន និងការកាត់បន្ថយសំណល់មិនចាំបាច់ នឹងដាក់បង្ហាញនៅក្នុងឆ្នាំនេះ។ |
 | វីដេអូខ្លី អ្នកធ្លាប់តែទាក់ទាញចំណាប់អារម្មណ៍មនុស្សបានរយៈពេល 3នាទី បន្ទាប់មក 30វិនាទី ពេលនេះគឺតែ 3-5វិនាទីតែប៉ុណ្ណោះ… ដូច្នេះសូមធ្វើវាឲ្យមានន័យ។ ការបង្កើតសារដើម្បីឆក់យកចំណាប់អារម្មណ៍មនុស្សភ្លាមៗអាចនឹងមានភាពសាំញ៉ាំណាស់។ ការប្រើប្រាស់សារវីដេអូ និងរូបភាពមានចលនាគឺជា ការចាំបាច់ សម្រាប់គ្រប់ការឃោសនាក្នុងឆ្នាំ2021។ អ្វីដែលមានតម្លៃនៅថ្ងៃនេះ ជារឿយៗត្រូវបានគេបំភ្លេចចោលនៅថ្ងៃបន្ទាប់។ ភាពញឹកញាប់ និងភាពថ្មីៗ ធ្វើឲ្យការផ្លាស់ប្ដូររូបភាពគ្មានចលនាទៅជាប្រព័ន្ធផ្សព្វផ្សាយដែលមានថាមពលក្លាយជាភាពចាំបាច់ ដូច្នេះសូមធ្វើផែនការឲ្យបានល្អិតល្អន់ និងធ្វើឲ្យដំណើរការមានភាពងាយស្រួលតាមដែលអាចធ្វើទៅបាន។ អ្វីម្យ៉ាងដែលល្អនោះគឺ អ្នកមិនចាំបាច់ទាល់តែជាអ្នកដឹកនាំរឿងនៅហូលីវូដដូចលោក Spielberg នោះទេ… ឲ្យតែមានជំនាញកែវីដេអូគឺគ្រប់គ្រាន់ហើយ។ |
 | ដល់ពេលបញ្ចេញពន្លឺហើយ ខណៈពេលដែលពណ៌ និងពន្លឺនៃពណ៌មាស ប្រាក់ និងទង់ដែង នឹងបន្តរំលេចនូវផលិតផល និងប្រធានបទពិសេសៗ ពណ៌ប្រចាំឆ្នាំរបស់ផេនថូននឹងផ្ដល់ឥទ្ធិពលទៅកាន់ពណ៌ភ្លឺ នឹងពណ៌បែបលោហធាតុភ្លឺដ៏ច្រើនសន្ធឹកសន្ធាប់។ ដោយរំពឹងថានឹងមើលឃើញនូវអ្វីដែលលើសពីបន្ទះអាលុយមីញ៉ូមហាយឡាយធម្មតា ម៉ាកយីហោនានានឹងរកវិធីឆក់យកបេះដូងរបស់អ្នកទាំងអស់គ្នាដោយការបង្ហាញនូវពណ៌ និងការហាយឡាយបែបលោហធាតុដែលប្រកបទៅដោយទិដ្ឋភាពចម្រុះ។ ពណ៌ទាំងអស់នៃឥន្ធនូ (និងពណ៌យូនីខនជាច្រើនដ៏សម្បូរបែប) ធ្វើឲ្យការវេចខ្ចប់នំចម្រុះពណ៌មើលទៅមានភាពសាមញ្ញតាមធម្មជាតិរបស់វា (និងមើលទៅគួរឲ្យចង់ញ៉ាំណាស់)។ |
 | វាជាសញ្ញា! សិល្បៈនៃការប្រើប្រាស់និមិត្តសញ្ញា និងរូបតំណាង បានក្លាយជាការពេញនិយមនៅក្នុងការឌីហ្សាញរូបសញ្ញាជាយូរណាស់មកហើយ។ ឆ្នាំ2021 យើងនឹងមើលឃើញការឈានឡើងនៃរូបភាពសម្រាប់ផ្ដល់ការណែនាំ គំនូរdoodles រូបភាពលម្អ និងរូបត្លុក ដែលប្រើប្រាស់ការឌីហ្សាញដែលជាប់ពាក់ព័ន្ធជាក់លាក់ទៅនឹងម៉ាកយីហោ ឬផលិតផលផ្ទាល់ខ្លួនរបស់ពួកគេ។ រូបភាព emoji សញ្ញាបង្ហាញអារម្មណ៍ GIFs និង memes ក៏នឹងត្រូវបានគេបន្តប្រើប្រាស់ដោយធ្វើការតម្រូវទៅតាមតម្រូវការអតិថិជន ដើម្បីធ្វើឲ្យម៉ាកយីហោទទួលបានការឆ្លើយតប និងការរំពឹងទុកពីអារម្មណ៍អតិថិជនដែលមានលក្ខណៈងាយស្រួលចំណាំ ហើយថែមទាំងផ្ដល់នូវអារម្មណ៍សប្បាយរីករាយក្នុងពេលជាមួយគ្នានោះផងដែរ! |
 | ការដឹកជញ្ជូនក្នុងស្រុក ដោយសារតែបទពិសោធន៍នៃការលក់រាយត្រូវបានផ្លាស់ប្ដូរយ៉ាងខ្លាំង វាបានធ្វើឲ្យមានការផ្ដោតការយកចិត្តទុកដាក់កាន់តែខ្លាំងទៅលើការដឹកជញ្ជូន។ បន្ថែមពីលើបទពិសោធន៍អនឡាញ ពាណិជ្ជកម្មអេឡិចត្រូនិច និងភាពងាយស្រួលនៃប្រតិបត្តិការ ម៉ាកសញ្ញានានានឹងផ្ដោតការយកចិត្តទុកដាក់របស់ពួកគេកាន់តែខ្លាំងទៅលើបទពិសោធន៍នៃការបើកកញ្ចប់អីវ៉ាន់ ដោយ ធ្វើការបន្ថែមនូវសារ និងឱកាសដែលធ្វើឲ្យអតិថិជនមានអារម្មណ៍ជាប់ពាក់ព័ន្ធ។ បើធ្វើវាបានត្រឹមត្រូវ នោះក្ដីស្រឡាញ់នឹងត្រូវបានចែករំលែកពាសពេញលើអ៊ីនធើណិត ប៉ុន្តែប្រសិនបើធ្វើវាមិនបានត្រឹមត្រូវ សារនោះប្រហែលជាត្រូវបានគេចែករំលែក ឬក៏ត្រូវបានចាត់ទុកថា មិនគួរឲ្យចាប់អារម្មណ៍! |
 | បន្ថែមភាពដិត គិតឲ្យមោះមុត ហើយកុំខ្លាចក្នុងការប្រើពុម្ពអក្សរ 3D ដែលរំលេចនូវភាពដិត និងទិដ្ឋភាព គឺរូបភាព 3D ដែលហាក់បីដូចជាលោតចេញពីផ្ទៃសន្លឹក & ការវេចខ្ចប់ ដែលផ្ដល់នូវគំហើញស្រវាំង ដែលមានចលនា & ប្រែប្រួលអាស្រ័យលើរបៀបដែលយើងមើលវា។ ចំណុចទាំងនេះនឹងបន្ថែមកម្រិតជាច្រើនទៅលើរបៀបដែលយើងយល់ឃើញពីផលិតផលនានានៅក្នុងឆ្នាំ2021។ ការប្រើប្រាស់ម៉ូតអក្សរបែបកំណាត់ផ្គុំ (ដូចជា lego, voxels និងម៉ូតអក្សរហ្គេម) ក៏ជួយបង្កើនថាមពលបន្ថែមទៀតផងដែរ ដោយសារតែវាផ្ដោតលើការបង្កើតទម្រង់រូបភាពដែលមានលក្ខណៈពិសេសចេញពីរូបភាពដែលគ្មានជីវិត ឬរាបស្មើ (វាពិតជាមានប្រយោជន៍ដែលកម្មវិធីបង្កើតរូបភាព 3D ងាយស្រួលរកបាននាពេលបច្ចុប្បន្ននេះ)៕ |
